Ние веруваме дека животните постоеле и успешно егзистирале долго пред човекот да почне да ги сместува во бетонски и други штали, долго дури и пред човекот да почне да ги храни со пченка или друг вид на зрно, па дури и пред да почне да им внесува ГМО храна или пак антибиотици, хормони, промотори за раст или пак да ги храни со остатоци од други животни.

 

Ние веруваме во природата, таа ги создала кравите како тревопасни животни, нивната цел во природата е да пасат трева која расте благодарејќи на сонцето и водата. Токму затоа нашата фарма претставува еден огромен сончев колектор кој го претвара сонцето во мускули и месо.